منتدى لمساعدة رعاة وأعضاء الكنائس المجروحين.Fourm for helping the wounded pastors& members church
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 ياللي محتاج للحنان!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بابا مبروك



المساهمات : 17
تاريخ التسجيل : 08/02/2010
العمر : 63

مُساهمةموضوع: ياللي محتاج للحنان!   الأحد فبراير 21, 2010 5:54 pm


يا اللي محتاج للحنان


دعاني واحد صديق ... جلست معاه ... جلسة عادية!

كلمة من عنده .. كلمة من عندي .. كأن الوقت كام ثانية!

تتكرر الجلسات والمواعيد ... والجلسة تيجي ورا التانية!

وبعد كل ختام ... بكل الصدق ... ألاقي كل الأمور فانية!

عن أشغال ... وعن أحداث ... موجودة طبيعي في الدنيا!

وحزنت أنا!!


سحبت نفسي ... وصار اسمي ... "مسجون ما بين جدران"!

أسكن في "عزلة"! ولا اتصالات .. ولا رسالة مع إنسان!

صادقت الدموع والأسى .. وقسِّمت خبزي .. مع الأحزان!

عاديت السعادة ... والسلام ... وغيرت أنا العنوان!

قالوا: ده "مُفكر" ... قالوا "مجنون" ... أو يمكن "مصادق جان"!

ويئست أنا!!


رفعت عيني للسما ... بصرخة .. مكتومة في ضلوعي!

لقيت السما بتدمع ... عشان تشاركني أنا دموعي!

وسمعت صوت الحب ... ناداني .. وجيتني انت يا يسوعي!

أشرقت بشمس محبتك ... وطردت بالشبع ... جوعي!

مع الأجراس .. مع النغمات .. غنت لك .. سما ربوعي!

وفرحت أنا!!


فرحك سماوي في قلبي ... يغطي .. فوق الصعوبات!

وسلامك دايم تمللي ... عجيب ... راسخ كمان بثبات!

بروحك ماشي معايا ... بترشدني ... مهما اتفرعت طرقات!

حافظلي رصيد المراحم ... رصيد إحسان ... مع انتصارات!

بطول العمر ... أنا خدتك صديقي ... يا سامع الصلوات!

وسجدت أنا!!


من قلبي أسجد .. أمام عرشك .. وانا شاكر بكل خشوع!

على نعمتك .. على محبتك .. ع الحب اللي صار ينبوع!

أقبّل أيادي رحمتك ... اللي بتمسح .. من عيني كل دموع!

وهاعيش وهاعلن كلمتك ... للشعب .. للفرد والمجموع!

ياللي انت محتاج للحنان ... مكانك في قلب يسوع!

واسألني أنا!!


شعر بابا مبروك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ياللي محتاج للحنان!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جروحات Wounds :: الفئة الاولى :: مشاركات القراء-
انتقل الى: